NEXTA Live Telegram-ալիքը հրապարակում է լուսանկարներ, տեսանյութեր և օպերատիվ տեղեկատվություն ցույցերի ձերբակալվածների և տուժածների մասին:
Մի քանի օրվա ընթացքում ալիքի բաժանորդների թիվն աճել է 300 հազարից մինչև 1 միլիոնի:
Կիրակի օրը, օգոստոսի 9-ին, Բելառուսում անցկացվեցին նախագահական ընտրություններ: Առաջին էքզիթ փոլերի արդյունքների հրապարակումից հետո, ըստ որոնց Ալեքսանդր Լուկաշենկոն շարունակում է մնալ իշխանությանը, երկրի շատ քաղաքներում զանգվածային ցույցեր սկսվեցին: Ընտրություններից հետո երեկոյան NEXTA Live-ն ասաց, որ վեց ժամվա ընթացքում ալիքը ստացել է 100 հազար նոր բաժանորդ:
Ալիքը հրապարակում է օպերատիվ տեղեկատվություն ցույցերի ընթացքի մասին, նկարներ և տեսանյութեր ամբողջ երկրից, ձերբակալվածների և տուժածների վերաբերյալ տվյալներ: Միևնույն ժամանակ, կիրակի օրվանից Բելառուսում ինտերնետի լայնածավալ խափանումներ են գրանցվել:
Արդյունքում, NEXTA Live-ը դարձավ ռուսալեզու ամենաշատ ընթերցվող լրատվական ալիքը և հասավ ռուսական Mash-ին, որը այս պահին ունի մոտ 850,000 բաժանորդ: Երրորդ տեղում Топор ալիքն է (ավելի քան 843 հազար ընթերցող):
NEXTA Live-ն ստեղծվել է 22-ամյա բլոգեր Ստեփան Պուտիլոյի կողմից (aka Ստեփան Սվետլով կամ Ստեփան NEXTA): 2015 թվականին նա գործարկեց NEXTA YouTube ալիքը: Առաջին հրապարակումից հետո հատուկ ծառայությունները հետաքրքրվեցինք ալիքի հեղինակով, «Ընտրություն չկա» երգի տեսահոլովակի պատճառով, որը կոչ էր անում բոյկոտել այն ժամանակվա նախագահական ընտրությունները:
Ալիքի անունը արտասանվում է որպես «նեխտա» (բելառուսերենից «ինչ-որ մեկը»): Ալիքի վրա աշխատում են 3-4 հոգի, ովքեր հավաքում և հրապարակում են տարբեր հաղորդագրություններ հասարակ մարդկանց կողմից, ասաց NEXTA Live- ի գլխավոր խմբագիր Ռոման Պրոտասևիչը:
Ավելի վաղ Telegram-ի հիմնադիր Պավել Դուրովը հայտարարել էր, որ Բելառուսում նրանք ստիպված են եղել միացնել «հակացենզուրայի գործիքներ», որպեսզի մեսենջերը շարունակի աշխատել: Նա նշեց, որ կապը դեռևս անկայուն է, քանի որ ինտերնետը պարբերաբար անջատվում է ամբողջ երկրում: