Հյութեր և նեկտարներ արտադրող Rich ապրանքանիշը իր պատմության մեջ առաջին անգամ որոշեց արմատապես փոխել դիզայնը: Ընկերությունը ներկայացրել է պրեմիում հյութերի շարքը նոր տեսքով՝ ոգեշնչված 19-րդ դարի բուսաբանական այգիներով:
2002 թ.-ին Rich-ը ներկայացրեց սպիտակ փաթեթ ապրանքանիշի անվանման անսովոր տեղադրմամբ՝ յուրաքանչյուր կողմում մեկական տառ: Այդ ժամանակից ի վեր, ժամանակակից դիզայնի հայեցակարգը փոխվել է, ասում են դիզայներները, և Rich-ը նույնպես պատրաստ է փոփոխությունների:
Ապրանքանիշի նոր լոգոտիպը ազատվեց կարմիր գույնից և ձեռք բերեց ավելի ժամանակակից հատկություններ՝ պահպանելով շարունակականությունը:
Rich-ը առաջին անգամ հրաժարվեց ամբողջական սպիտակ գույնից: Նոր կորպորատիվ ոճը մշակելուց, Tuman դիզայներական ստուդիայի մասնագետները համատեղեցին այն կապույտի հետ և բաժանեցին տուփը երկու վիզուալ բլոկների:
Վերին մասում Rich-ի գույնային պալիտրան հարստացել է խորը կապույտ գույնով: Գույնի համար ոգեշնչման աղբյուր է դարձել երեկոյան անվերջ երկինքը և օվկիանոսի կենսունակությունը, ասում են դիզայներները: Փաթեթի այս մասում լոգոտիպը տեղադրել են ուղղահայաց:
Փաթեթավորման այդպիսի երկու մասի գույնային բաժանումը սահմանում է տեսողական ակցենտները և ինֆորմացիայի ընթերցման հերթականությունը: Վերին մասում տեղադրված է մեծ լոգոտիպ, ներքևում`բուսաբանական նկարազարդում, որը կոդավորում է մրգային համը: Այսպիսով, փաթեթավորումը խանութի դարակներում կազմում է բրենդային մեկ տեսողական բլոկ և օգնում է հեշտ կողմնորոշվել ըստ հյութերի համերի: